Б.Лхагвасүрэнгийн түшиг тулгуур

Ардын уран зохиолч Б.Лхагвасүрэнтэй үзэгчид цэнхэр дэлгэцээр “Монгол туургатны 100 эрхэм” нэвтрүүлгээр уулздаг болоод нэлээдгүй хугацааг үдэж байгаа билээ. Түүний билэг танхай зан, бусдыг нээх чадвар, уран яруу хэллэг нь энэхүү нэвтрүүлгийг улам бүр чимэн байгаа. Тэрээр өчигдөр тохиосон “Болор цом” наадамд гэргийн хамт зочилсон юм. “Болор цом” наадмын цомыг 1985 онд “Шагнал” бүтээлээрээ хүртэж байсан тэрээр  1992, 1998 онуудад тус тус тэргүүн байр эзэлж байсан. Түүний “Ижийтэйгээ байхад” бүтээлийг мэдэхгүй монгол хүн ховор юм.

Тэрээр “Би өөрийн хэдэн шүлэг  дундаас “Боржигины бор тал”-аа жаахан тоодог юм. Арай дөнгүүр болсон нь юм даа” хэмээн даруухан өнгөөр ярих дуртай ч үгийн өө андахгүй.

Түүний түшиг тулгуур болсон Баасан хэмээх энэхүү сайхан буурал нөхрийнхөө арын албыг даадаг.  Хүний амьдралын жаргал зовлонг хуваалцаж, хоёр бие нэг болтлоо ээнэгшсэн хэмээн гэргийтэйгээ туулж өнгөрүүлсэн 53 жилийн тэр урт замыг эгэл даруухан үнэнээрээ тодорхойлж байдаг.  Төрийн соёрхолт, Ардын уран зохиолч Б.Лхагвасүрэн гуай болоод түүний гэргий С.Баасан нарын алтан хурим өнгөрсөн жил тохиосон юм.