Г.Шийлэгдамбыг МАХН-ын байран дээр ахиж ирэхгүй байхыг хүсчээ

МАХН-ын дарга Н.Энхбаяр “Ийгл ньюс” телевизийн “Бадарчийн Жаргалмаа” нэвтрүүлэгт оролцох үеэрээ Г.Шийлэгдамбыг “Миний хайртай дүү. Итгэж хүндэлж явдаг чадварлаг боловсон хүчин гэж боддог” гэж ярьсан.

Харин батлан даалтад гараад байгаа Г.Шийлэгдамба өчигдөр сэтгүүлч Г.Мөнхбаясгалангийн “Цензургүй яриа” нэвтрүүлэгт оролцон үүсээд байгаа нөхцөл байдлын талаар өөрийн байр суурийг хүргэсэн. Гэхдээ тэрээр “дарамталдаг” гэх даргаа муулсангүй. Мөн л “Миний хайртай ах байсан” гэв. Тэрбээр батлан даалтаас гарсныхаа дараа Н.Энхбаяр даргатай нэг удаа уулзаж, эр хүний ёсоор чанга тэврэлдээд салсан гэдгээ хэлэв. Мөн МАХН-ын байран дээр ахиж ирэхгүй байхыг хүсчээ.

Тэрбээр МАХН-ын дарга Н.Энхбаярыг “Шадар сайд боллоо гээд айхгүй байна. Би үнэнийг тогтоохыг хүсч байна. Хэрэв үнэнийг тогтоож чадвал намын бусад нөхдөд зөв зам болно. Уг нь би Н.Энхбаяр даргыг БНСУ-аас ирэхэд намаа нэгтгээд удирдаад явах нь гэж маш их баярлаж байсан. Гэвч эсрэгээрээ намыг хагалан бутаргаж, хүчийг нь сулруулсан” гэлээ. Түүнчлэн өөрийг нь ЭМСЯ-ны сайдаас чөлөөлөөгүй байгаа. Гэхдээ би албан тушаалтай зууралдахыг хүсэхгүй байна” гэлээ.

Г.Шийлэгдамба МАХН-ын бага хурлаар Ерөнхий нарийн бичгийн даргаар томилогдсон гэдгийг ч ярилаа.

Г.Шийлэгдамбыг "C1”телевизийн “Цензургүй яриа” нэвтрүүлэгт оролцохоор ирэх үед хэсэг хүмүүс уулзахаар ирсэн гэх бөгөөд энэ үеэр түүнийг телевизийн байр руу нууцаар оруулсан аж.