Рок хос

Дуучин Т.Ариунаагийн үеэл дуучин Х.Оюунбилэг наяад оны сүүлээр эстрад урлагийн “Цирк” хамтлагийн од дуучин гэгдэж мандаж явсан юм. Гэхдээ "Харанга"-ын Х.Лхагваагийн дүү Х.Лхагвадоржтой  ханилснаасаа хойш бараг 20 жил нам гүм амьдралаар амьдрах болсон.

Хуучнаа дурсан хаа нэгтээ томоохон арга хэмжээнд уригдан дуулдаг тэрээр нас явж намба суух нь бүү хэл улам залуужжээ. Түүнтэй энэ удаад роп попынхоны шинэ жилийн цэнгүүн дээр таарсан бөгөөд хосууд рок стилиэ хадгалан хар гоёлоор гангарчээ. Тэд хамтдаа рокуудын томоохон цугларалт, тоглолтуудыг үздэг бөгөөд Оюунбилэг нөхрийнхөө дурладаг рок урсгал стильд тун ч таатай ханддаг гэсэн шүү.