Б.Сарантуяагийн мөнгөлөг гоёл

Зууны манлай эстрадын дуучин, поп дива Б.Сарантуяа шинэ жилээр урилга, заллага ихтэ байсан юм. Байгууллага бүр л түүнийг шинэ жилийн цэнгүүндээ урин дуу хуураар нь хөглөгдөхийн хүссэн нь аргагүй юм. Урлагт насаараа зүтгэн олон арван хит уран бүтээлийн эзнийг хэн хүнгүй ийнхүү хүсэмжлэн байлаа.

Тэр ч утгаараа урлагийнхан тэр бүр баярлаж амждаггүй, бусдад ая дуугаа өргөсөөр шинэ оны босгон дээр л гэрийнхэнтэйгээ уулзан баярладаг гэсэн шүү. Харин энэ удаад урлагийнхан шинэ он гарсны дараа баяраа хамтдаа тэмдэглэн “Эстрад ёолк-2016”-д чуулцгаасан юм. Энэ үдэш поп дива мөнгөлөг гоёлыг сонгон гангарчээ. Түүний гоёлыг хамтдаа тольдоё.