Сельфичин Мөөгий

Өнгөрсөн онд “Татар” хамтлагийнхан дорвитой уран бүтээл хийн фенүүдээ баярлуулаагүй ч тус хамтлагийн Мөөгий буюу Д.Мөнхчулуун харин реалити шоунд оролцон хүмүүнлэгийн үйлс бүтээсэн билээ. Тэрээр телевизийн “240 цаг” реалити шоуны ялагч болж,  шагналын 40 сая төгрөгөөсөө сайн үйлсийн аянд зарцуулахаа амласан билээ. 

Тэрбээр судалгаа хийсний үндсэн дээр Сонгинохайрхан дүүргээс гурван өрх толгойлсон ээжийг сонгон өвлийн тэсгэм хүйтэнд түлээ, нүүрс, гурил, будаа болон ахуйн хэрэглээний зүйлс  хоол ундыг нь залгуулж өгчээ. Тэдний нэг болох Гэрэлцэцэг гэх эмэгтэй дөрвөн хүүхэдтэйгээ амьдардаг бөгөөд хүүхдүүдийнхээ сард улсаас өгдөг мөнгөөр амьжиргаагаа залгуулдаг байна. Ийнхүү Мөөгий ээжүүдийг баярлуулсан билээ.

Харин тэрээр роп, попынхоны “Эстрад ёолк-2016” цэнгүүнд оролцож байхдаа сельфи байнга хийж байсан бөгөөд манай гэрэл зурагчны дуранд ийнхүү өртжээ.