Ц.Алдармаа “Цензургүй яриа”-гаар дамжуулан бүгдээс уучлал гуйлаа

Сэтгүүлч Л.Мөнхбаясгалангийн бэлтгэн хүргэдэг “Цензургүй яриа” нэвтрүүлэгийн шинэ оны анхны дугаарт жүжигчин Г.Алдармаа оролцжээ. 10 жил урлагт зүтгэсэн Ц.Алдармаа 2016 оны төлөвлөгөө уран бүтээлийнхээ талаар болон “Шинэ үе” продакшнд байхдаа жүжигчин Д.Оюунтуултай маргалдан шүүхээр яллагдаж төгссөн хэргийнхээ талаар анх удаа ам нээн ярьжээ. Тэрээр Оюунтуултай 10 жил нөхөрлөсөн нөхөрлөл нь дэндүү нэг нэгнийхээ хайрлан ойлгоход хүргэсэн ч энэ бүхэн нь нэг нэгэн рүүгээ буцалсан халуун ус хийх хэмжээнд хүртлээ тэвчээрийг нь алдагдуулна гэдэг бол өөрөө их аймшигтай зүйл хэмээн ярьсан юм.

Тухайн үед болсон хэргийн талаар тэрээр одоо ч бодоход айдаг бөгөөд чухам юу болоод өнгөрснийг ч эргэн бодоход хэцүү байдаг талаараа хоолой зангиран ярьжээ. Тэрээр өчигдөр “Цензургүй яриа” нэвтрүүлэг орох хүртлээ жүжигчин Оюунтуулын тухайд өдөр юу болсон талаар хэвлэлд өгсөн ярилцлагыг үзээгүй явсан гэнэ. “Намайг хоригдсон байхад ингэж яриа өгсөн байна лээ одоо л үзэж байна” хэмээн Алдармаа нулимс дуслуулан ярьж байлаа. Тэрээр “Би өөрийгөө ийм юм хийнэ гэж бодоогүй, Аймаар муухай юм болсон. Намайг таньдаг мэддэг хүн бүрээс би чин сэтгэлээсээ уучлал гуймаар байна” хэмээн хэлсэн юм.