Дуурийн буржгар үст тенор

Дуурь бүжгийн эрдмийн театрын авьяаслаг залуу, тенор хоолойтой дуучин Б.Гомбо-Очир энэ удаад манай папарацид өртлөө. Тэрбээр Ж.Вердийн “Аида” дуурийн Радамесийн дүрээр ДБЭТ-ын босгыг алхаж, 2011 оноос хойш энэ тайзнаа дуулж байгаа. Залуу, туршлага багатай хэдий ч чадалтай хоолойтой хэмээн мэргэжил нэгтнүүд нь түүнийг өндрөөр үнэлдэг.

Буржгар үс, цээл хоолойгоо брэнд болгосон энэ залуу оюутан байхдаа л ОХУ-д болсон Ким Базарсадаевын нэрэмжит уралдааны тэргүүн шагналыг хүртэж тодорсон юм. БНСУ-д “Чио Чио сан” дуурьт дуулж, ОХУ-ын Их театрын тайзнаа уран бүтээлч нөхдийнхөө хамт гарсан гээд түүнд онцлох амжилт олон. Тэр ч утгаараа тэрээр шинэ жилийн баярын цэнгүүнд уригдан заллага ихтэй байгаа гэсэн шүү.