О.Ариунзулыг Италийн загварын агентлагууд урьжээ

Загварын ертөнцөд өөрийн гэсэн орон зайг хэдийнээ бий болгон эх орондоо төдийгүй гадаадад өөрийгөө таниулсан загвар амсагч бол О.Ариунзул. Энэ жилийг “Гоёл” наадмын топ модель болно хэмээн олон хүн түүнд найдлага тавин хүлээсэн ч зохион байгуулагчид өөр шийдвэр гаргасан. Гэхдээ тэрээр ард түмний дунд гавьяат гэдэг шиг хэдийнээ Топ-ын хэмжээнд загвараа амилуулдаг нэгэн билээ. О.Ариунзул дуучин Б.Амархүүтэй үерхээд нэлээдгүй хугацааг үдэж байгаа бөгөөд хосууд энэ жил бүл нэмэн хүүтэй болсон. Гэхдээ Ариунзул ээж болсон гээд тайзнаас буугаагүй. Харин ч энэ жилийн Гоёл наадамд төрөөд удаагүй ч богинохон хугацаанд хэрхэн жингээ хадгал буйгаа гайхуулсан.

О.Ариунзул Сочигийн олимпд Кока колагийн нүүр царайг тодруулахад Москвагийн бүхий л агентлагийн загвар өмсөгчидтэй өрсөлдөн ганцаараа тодорч, алдартай дизайнер Константин Гайдайн загварыг амилуулж байсан. Тэр цагаас хойш түүний шоу болгонд хамгийн гол гэсэн хувцаснуудаа өмсөх болсон Ариунзул “Vogue” сэтгүүлд хүртэл  гарсан юм.

Тэгвэл загвар өмсөгч О.Ариунзулд Италийн загварын агентлагуудаас хамтран ажиллах санал ирсэн ч тэрээр нялх хүүхэдтэй учраас ажлаа хойш тавиад байгаа гэнэ.