Дуучин Д.Баярцэнгэл “булчинлаг” биеэ гайхуулав

2009, 2010 оны Universe best songs нэвтрүүлэгт Дорнод нутгаас оролцож, шилдэг 25-ын эгнээнд нь цойлон гарч ирсэн П.Баярцэнгэл хэмээх хүүг танихгүй хүн бараг үгүй биз ээ. Эгээ л шүдний ооны рекламанд тоглож байгаа мэт ам дүүрэн яралзсан цагаан шүдээрээ инээмсэглэдэг нь бараг л түүний имиж болоод байгаа.

Тэрээр 2010 оны Universe best songs нэвтрүүлгийн дараа хувийн уран бүтээлээ туурвиж эхэлсэн бөгөөд хамгийн анх сонсогчдыг ёодол гэх урсгалтай танилцуулсан авьяаслаг, өсч яваа дуучин.

Швейцарийн хөгжлийн сантай хамтарсан “Ёодол” цомгоо гаргасан. Хэдэн сарын турш бичлэг сонсч, Альпийн нурууны ард түмний үндэсний урлагийг сурч, монголчуудад хүргэсэн П.Баярцэнгэл  Швейцарт болсон ёодолчдын фестивальд оролцох урилга хүлээн авч амжилттай оролцоод ирсэн. 

Хамгийн сүүлд Санахдаа нэртэй дуугаа гаргаж Хит болгоод амжсан сэргэлэн залуу маань сүүлийн үед фитнесээр хичээллэх болсон гэнэ. Тэрээр уйгагүй хичээллэсэний дүнд охид бүсгүйчүүдийн харцыг булаам гайхам сайхан биетэй болсноо гайхуулжээ. Гаднаас харахад тийм булчинлаг бадриун харагддаггүй ч гэлээ гоёмсог дэгжин хувцасны цаана гайхмаар боди биеэ нууж байсныг хэн мэдэх билээ.

Л.МИШЭЭЛ