Урлагийн салбарын залуу захирал

Төгөлдөр хуурч, дуучин Б.Бат-Өлзийг залуус Өлзий нэрээр нь андахгүй. Тэрээр хэд хэдэн уран бүтээл туурвин клипийн хамт үзэгчдэд толилуулсан бөгөөд түүнийг “Никитон”-ы Б.Батчулууны орыг залгах залгамж халаа нь хэмээн ярьдаг юм.

Өлзий саяхан болсон Азийн шилдэг дизайнер Д.Отгонжаргалын загварын шоунд ийнхүү зочилсон юм. Тэрээр урлагтай салшгүй холбоотой бөгөөд залуу хойч үеээ бэлтгэн сургахаар өөрийн гэсэн сургалтын төвийг нээж байсан цаг саяхан. Харин энэ удаад бид  Монгол улсын урлагийн түүхэнд шинэ хуудас нээн дэлхий дахинд “Харь гарагийн хүн” хэмээн алдаршсан Оросын нэрт төгөлдөр хуурч Эльмар Гасановын тоглолтыг монголд зохион байгуулсан  “Кавай Монголиа” ХХК-ийн захирал Б.Бат-Өлзийг онцолж байна.