Дуучин A Cool-ын дэгжин гэргий

Дуучин A Cool хайрын дуугаараа залуусыг байлдан дагуулсаар байгаа. Тэрээр саяхан болсон “Гоёл-2016” наадмын ёслолын арга хэмжээнд  гэргийн хамт ийнхүү зочилсон юм. Залуу уран бүтээлч маань хаана ч явсан дэгжин төрхөө гээдэггүй бөгөөд энэ удаад ч классик  загвараар гоёсон бол түүний гэргий нөхрөөсөө дутахааргүй дэгжин байлаа. Тэрээр тод ногоон өнгийн торгон цамцаа өнгө ижил цүнхтэйгээ хослуулан гангарчээ.

Сонирхуулахад, дуучин A Cool урлагт хөл тавихаасаа өмнө олон улсын “Найрамдал” төвд багшаар ажиллаж байсан бөгөөд одоо ч тус төвийнхөнтэй байнга хамтран ажиллаж, аливаа арга хэмжээнд нь дэмжин оролцдог юм. Мөн тэрээр гэр бүлийн амьдрал зохион аав болоод удаагүй байгаа билээ.