Том толгойт Ж.Алтаншагай

Монголд “BrotherHood” нэртэй ахан дүүсийн нэгдэл бий болж "Том толгойтын романс” нэртэй анхны уран бүтээлээ туурвиж, цаашид тайз дэлгэцийн уран бүтээл төдийгүй нийгэмд чиглэсэн олон ажил дээр хамтран ажиллах болсноо дуулгасан цаг саяхан.

Нэгдлийн анхны киноны гол дүр болох Том толгойтод жүжигчин Ж.Алтаншагай, түүний найз бүсгүйд драмын театрын жүжигчин Б.Одончимэг нар тоглосон ба нэгэн цаг үеийн шилдэг залуу жүжигчид энэхүү кинонд дүр бүтээсэн нь онцлог юм.

Энэхүү кинонд хүний амьдралын жаргал, зовлонтой олон өнгийг хөгжилтэй, инээдмийн өнгө аясаар дамжуулан хүнд ухаарал бодролыг хайрласан шинэлэг бүтээл болсон хэмээн кино бүтээгчид онцолж байгаа юм.