Урилга ихтэй алдарт хөтлөгч Д.Цоодол

Төв аймгийнхан өчигдөр Монгол бөхийн өргөөнөө чуулж нутгийн ойгоо тэмдэглэсэн юм. Энэхүү ойд Төв аймгаар овоглодог үе үеийн уран бүтээлч, нутгийн уугуул иргэд хүрэлцэн ирж, нэгэн үдшийг дуу хууртай үдсэн.

Аймгийнхаа ойн цэнгүүнийг Монголын үндэсний олон нийтийн телевизээр үдэш бүр үзэгчидтэй уулздаг Урлагийн гавьяат зүтгэлтэн, хөтлөгч Д.Цоодол хөтлөн хүргэсэн юм. Тэрээр Хөвсгөл аймгийн уугуул ч Төв аймгийнханд уригдан ийнхүү цэнгүүнийг нь хөтөлсөн нь нэр төрийн хэрэг байлаа.