Солонгосын олон ангит кинонд тоглосон Гэгээнхүсэл

Монголын авьяаслаг залуу, бүсгүйчүүд дэлхийн өнцөг булан бүрт ур чадвар, гоо үзэсгэлэнгээ гайхуулсаар байгаа. Дэлхийн кино урлагт өөрсдийгоо сорьж Холливудад хүртэл хөл тавих болсон билээ. Тэгвэл үзэгчдийн шимтэн үздэг Солонгосын олон ангит кинонд Монгол эмэгтэй дүр бүтээх болжээ.

БНСУ-д сурч, ажиллаж буй Гэгээнхүсэл “SBS” телевизийн бүтээл, “Annarole” хэмээх олон ангит кинонд Солонгосын төдийгүй Азийн алдарт жүжигчин Ли Сүн Жэ (Lee Soon Jae)-тэй хамтран тоглож байгаа гэнэ.

Энэ тухай Гэгээнхүсэл өөрийн цахим хуудастаа “Энэ мундаг жүжигчинтэй хамтран ажиллана гэж зүүдэлж ч байсангүй. Бүх зүйлд талархаж байна” хэмээжээ.

Тэрээр өнгөрсөн зун эх орондоо байх хугацаандаа манай гэрэл зурагчны дуранд ийнхүү өртсөн юм.