Б.Шүүдэрцэцэгийн “мэдрэмж”

40 гарсан ч наснаасаа залуу харагддаг монголын сайхан бүсгүйчүүдийн нэг сэтгүүлч, зохиолч Б.Шүүдэрцэцэг драмын театрын шинэ улирлын нээлтэд оролцож байхдаа манай гэрэл зурагчны дуранд өртлөө. Тэрээр энэ удаад цэцгийн баглаа барьсаар тайзнаа гарсан бөгөөд ингэхдээ шинэ жүжгийн нээлтээ хийж буй “Ромео Жульетта” жүжгийн хамт олонд биш харин энэхүү нээлтийн ёслолын өмнө салбарын сайдаасаа төрийн одон хүртсэн Соёлын тэргүүний ажилтан, жүжигчин А.Цэгмидид ийнхүү гэнэтийн бэлэг барьсан юм.

Жүжигчин Цэгмид тайз дэлгэцээс хөндийрсөн байхад нь “Шүүдэр” продакшн буюу зохиолч Шүүдэрцэцэг мэдрэмжтэйгээр түүнд  “Ану хатан” кинонд тоглох дүрийг санал болгосноор тэрээр өдгөө уран бүтээлийн ганзага дүүрэн яваа юм.