Парист амьдардаг монголчууд халдлагад өртөөгүй гэв
ГХЯ-ны Консулын газрын дарга Б.Болд Франц улсад үүсээд байгаа нөхцөл байдал болон тэнд ажиллаж амьдарч байгаа монголчуудын талаар дөнгөж сая мэдээлэл хийлээ.
Тэрээр “Франц улс өнгөрсөн шөнө гарсан цуврал халдлагын улмаас үндэсний хэмжээнд онц байдал зарлан хилээ хаагаад байна. Бид тус улсад суугаа ЭСЯ-тайгаа хамтран тэнд ажиллаж, амьдарч байгаа иргэддээ сэрэмжүүлэг хүргүүлж байгаа.
Францад Монгол Улсын 4500 иргэн, Парис хотод 2000 орчим Монгол иргэн байна гэсэн албан бус мэдээ байна. Халдлага болсон 10, 11 дүгээр дүүрэгт монголын цөөнгүй иргэд оршин суудаг гэсэн мэдээлэл байна. Манай албаныхан тухайн бүсэд оршин суудаг монголчуудтайгаа утсаар холбогдон нөхцөл байдлыг тодруулсан. Одоогоор халдлагат өртсөн тухай мэдээлэл байхгүй байна” гэв.
Энэхүү зэвсэгт халдлагатай холбогдуулж Франц дахь Монгол Улсын Элчин сайдын яамнаас тус улсад буй монгол иргэдэд хандаж сэрэмжлүүлэг гаргажээ.
Тодруулбал "Баасан гаригийг орон Парис хотод үүссэн аюултай нөхцөл байдалтай уялдуулан Парим хот, түүнтэй залгаа дүүргүүдэд амьдарч буй иргэдийг гадуур гарахгүй гэртээ байх, танил нартаа сэрэмжтэй байхыг анхааруулж, аюултай байдал тулгарсан тохиолдолд Элчин сайдын яамтай шуурхай холбоо барихыг мэдээлж байна" гэжээ.
Нэн шаардлагатай тохиолдолд холбоо барих Элчин сайдын яамны утас: 0685963705, 0758737768, 0651426149, 0783937554, 0146952812.
Ээжийнхээ нэр дээрх каргогоор дамжуулан сэтгэцэд нөлөөт бодис хилээр нэвтрүүлсэн Г.У-д 8 жилийн хорих ял оноожээ
Дулааны алдагдалгүй айл өрхүүдийг үе шаттайгаар хийн халаалтад шилжүүлнэ
Шадар сайд Н.Номтойбаяр Хэнтий аймагт ажиллаж байна
Нийтийн тээврийн 15 чиглэлд түр хугацаанд өөрчлөлт оруулжээ
Улаанбаатар хот орчимд Туул гол үерийн аюултай түвшинг даван үерлэх төлөвтэй байна
Ирэх 10 хоногийн цаг агаарын урьдчилсан төлөв
“Газрын мэдээллийн сангийн үйл ажиллагаа, мэдээлэл солилцооны журам”-ийг хянаж байна