“BrotherHood” нэгдлийн Б.Барслхагва

Тайз дэлгэцийн уран бүтээлд хүч төрөн орж ирж байгаа залуусын нэгдэл болох “BrotherHood” анхны бүтээлээ дэлгэсэн юм. Тэд өнгөрсөн баасан гарагт “Том толгойтын романс” нэртэй инээдмийн уран сайхны киноныхоо нээлтийг хийсэн юм. Тус нэгдлийн найруулагч, жүжигчин Б.Барслхагвыг бид энэ удаад онцоллоо.

Тэрээр шинэхэн бүтээлийнхээ нээлтэд хар хөх хослолыг цэнхэр зангиатай холслуулан гоёжээ. Дэлгэцийн бүтээлд инээдмийн уран сайхны киногоор үзэгчдийн танил болсон тэрээр “BrotherHood”  нэгдлийнхээ талаар “Шинэ үе”, “Маск”, “Эмоци”, “Фантастик” продакшн, “F” студи, “Red Boy”, цаашлаад улс төр, бизнес гээд төрөл бүрийн салбарт ажилладаг залуучууд байдаг учраас илүү чөлөөтэй сэтгэдэг, тал бүрт хүчээ үзэх боломжтой хэмээн онцолсон юм.