Холливудтай холбогч продюсер

Жүжигчин, продюсер М.Оргил монголын жүжигчдийг Холливудын кинонд тоглоход нь гүүр болон холбож байгаа юм. Тэрээр Алдарт “Netflix” компани өөрийн шилдэг бүтээлүүдийн нэг болох “Marco Polo” киноны үргэлжлэл буюу хоёрдугаар хэсэг /Season-2/-д англи хэл дээр тоглох гол дүрийн дөрөвт Монгол жүжигчдийн шалгаруулахад нь чамгүй үүрэг гүйцэтгэсэн.

Мөн киноны олны хэсэгт тоглох 50-аад жүжигчдийг монголоос сонгох ажилд хамтран ажиллаж хамтдаа гадаадад хийсэн зураг авалтуудад оролцсон гээд их ажлыг амжуулсан нэгэн. М.Оргил ССАЖЯ гэж байхад салбарт нь орж киночдын хуулийг батлуулах гэж хэрдээ л судалгаа хийн ажил болгон хөөцөлдсөн нь үр дүнгээ өгөн өдгөө уг хуулийн төслийг өргөн барих хэмжээнд яваа гэсэн шүү.