“Fashion Channel” энэ өвлийн хамгийн том төсөвтэй шоуг хийх үү

Монголын загварын ертөнцөд цахиур хагалсан шоу тоглолтуудыг хийдэг “Mongolian Fashion Channel” энэ өвлийн ээлжит шоу тэсрэлтээ нэлээдгүй том төсвөөр гар татахгүй гаднын моделиудыг оролцуулан хийхээр товоо зарласан юм. Тэд ирэх арваннэгдүгээр сарын 14-нд “SNOW/2016 Fashion Show”-ыг “Crocus Event Hall”-д дэлгэхээр зэхээд байгаа юм байна. 

Тачигнасан өвлийн цас мөсийг танхимд сойн тайзнаа “Victoria Secret”-ын сахиусан тэнгэр модель Alessandra Аmbrosio болон Rebecca нар алхах тухай бор шувуу хэдийнээ нисэх болсон билээ. Тэгэхээр эдийн засаг хямралтай байгаа энэ цаг үед хамгийн их төсвөөр шоу хийх нь хэр зохистой юм бол оо.

Дэлхийн моделийг дэргэдээсээ тольдох сайхан ч цагаа олоогүй үргүй зардал юм уу даа гэх олны шүүмж ар араасаа хөвөрсөөр. Учир нь эдийн засаг хямралтай, хүндхэн байгаа энэ үед дотоодын моделиудаа дэмжих бус гаднын модельд гар татахгүй байх нь хэр оновчтой санал байсан юм бол доо.