Үндэсний “Өгөх өдөр”-ийн эзэгтэй

Маргааш үндэсний “Өгөх өдөр”.  Энэхүү “Өгөх өдөр”-ийг “Wisdom” кино продакшн анх 2011 онд “Бодлын хулгайч” киногоо гаргахдаа санаачлан зохино байгуулж байсан. Тус продакшны захирлаар ажилладаг А.Уянга “Өгөх өдөр” хөдөлгөөний тэргүүнээр ажиллан жил бүр сайн үйлсийн аяныг өрнүүлсээр 5 дахь жилтэйгээ золгох гэж байна. 

 А.Уянга киноны гол дүрд тоглосон жүжигчин Б.Амарсайхан нартай хамтран “Бодлын хулгайч” киноны орлогоос 20 сая төгрөгийг хүмүүнлэгийн үйлст зориулж, 25 дугаар дунд сургуулийн сурагчдад автобус бэлэглэн анхны хүмүүнлэгийн ажлаа өрнүүлж байсан юм. Өгөх Өдөр-ийнхөн энэ жил сэргээн засах эмчилгээний "Таны Инээмсэглэл" төвөөр дамжуулан хөгжлийн бэрхшээлтэй гэж нэрлэгдэх бяцхан хүүхдүүддээ туслахаар шийдсэн гэсэн шүү.