Урлагийн л хүн

"Өнөр бүл" киноныхоо Гажиг Гармаа дүрээрээ олны хайр, хүндэтгэлийг хүлээсэн Гавьяат жүжигчин Ч.Алтан-Өлзийг бид энэ удаад онцоллоо. Тэрээр тайз дэлгэцийн урлагт 40 гаруй жил зүтгэн УДЭТ-т 100 гаруй дүр бүтээсэн энэхүү эрхэм гавьяатан өдгөө ч театраа хүчин зүтгэсээр байгаа билээ. Мөн түүнд киночдоос санал тасардаггүй бөгөөд тэрээр 2014 онд Монголын киночдын наадмаас шагналын хур буулгасан “Аав” кинонд бүтээсэн ааштай хөршийн туслах дүрийг чадварлаг бүтээсэн юм.