Жүжигчин Ч.Болд “Бохир ертөнц”-д оржээ

Сүүлийн үед авьяаслаг залуу жүжигчид кино урлагт хүч түрэн орж ирж, олон сайхан киноны гол дүрийг бүтээж байгаа. Тэдний томхон төлөөлөл бол СТА, жүжигчин Ч.Болд. Үзэгчид түүнийг “Боолын гэрээ”, “Бодлын хулгайч”, “Богд хаан”, “Надтай гэрлээч”, “Босго тотго” кинонд бүтээсэн дүрээр нь илүү сайн мэдэх байх. Болд хамгийн сүүлд “Боловсрол суваг” телевизийн бүтээл “Мөрдөгч” олон ангит кинонд дэслэгч Гарьдын дүрийг амилуулсан билээ.  

Тэгвэл тэрээр энэ удаад үзэгчидтэй “Бохир ертөнц” киногоор эргэн уулзлаа. Гэмт хэрэг, найз нөхдийн нөхөрлөлийн үнэ цэнийг харуулсан уг бүтээлд тэрээр гол дүрд тогложээ.