Үүлэн үст жүжигчин Б.Мишээл хуримаа хийлээ

Их сургуулийн оюутан байх цагаасаа л кино урлагийн ертөнцөд танигдан "Дэлхийд дурласан сар" кинонд гол дүрийг бүтээж байсан залуухан жүжигчин бол Б.Мишээл. Анхны том дүр бүтээсэн кинондоо ч чамгүй сайн жүжиглэлт үзүүлж үзэгчдээс сайн дүгнэлт авсан тэрээр "Голланд сарнай", "Код", "Давхар цохилт" зэрэг кинонуудад гол болон туслах дүрийг бүтээсэн.

Хувийн амьдралаа тэр бүр дэлгээд байдаггүй залуухан авьяаслаг жүжигчин маань хамгийн аз жаргалтай өдөр өнөөдөр тохиож гал голомтоо бадрааж хуримаа хийлээ. Түүний сүйт залууг М.Цэнгүүн гэдэг бөгөөд хосууд удахгүй үрийн зулай үнэрлэнэ гэнэ шүү. Жүжигчин Б.Мишээлийнхээ гэр бүлд нийт уншигчдийнхаа өмнөөс аз жаргал хүсэн ерөөе.