ХУВИЙН АВТОБУСУУД ҮЙЛЧИЛГЭЭГЭЭ ЗОГСООЛОО
Өнөөдөр өглөө том оврын автобусны үйлчилгээ эрхэлдэг бүх хувийн компанийн автобусууд үйлчилгээнд гарсангүй.
Шалтгаан нь наймдугаар сарын 15-наас хойш үйлчилгээний орлогоо аваагүй, шатахуун, цалингийн мөнгөгүй болсонтой холбоотой хэмээн албаны хүмүүс тайлбарлаж байна.
Нийтийн тээврийн шинэчлэлийн хүрээнд зорчигчдын тасалбарын хөлс буюу карт уншуулсан мөнгөн орлого "Улаанбаатар смарт" компаниар дамжин, автобусны үйлчилгээ эрхлэгч аж ахуйн нэгжүүдэд очдог болсон аж. Гэтэл энэ үйл явцад хяналтын болон хуваарилалтын алдаа гарснаас үүдэн хувийн компаниуд сар гаруйн хугацаанд орлогоо авч чадалгүй, саатсан тул ийн үйлчилгээгээ зогсооход хүрсэн байна.
Өнөөдөр өглөөнөөс Улаанбаатар хотод цас орж, хүйтэрсэн тул нийтийн тээврийн үйлчилгээ зогссон энэ байдал иргэдэд тун хүндээр тусч байна.
Баянхошууны чиглэлд гэхэд яг одоогийн байдлаар түгжрэлтэй, цас орсноос үүдэн хальтиргаа гулгаа ихтэй, зорчигчид бухимдалтай байна. Тов овоын автобусны үйлчилгээ эрхлэгчид ажил хаясныг далимдуулан Баянхошуу, Зурагтын эцсийн буудал орчмоос хотын төв рүү микро автобусууд 1000 төгрөгөөр зорчиж байгаа бол жижиг тэрэгний жолооч нар хүн тус бүрээс 1500 төгрөг аван, үйлчилж байна.
Орчин цагийн мэргэжлийн урлагийн ууган байгууллага-Улсын драмын эрдмийн театрын 95 жилийн ой тохиож байна
Цагдаагийн байгууллагад зөрчлийн шинжтэй 749, гэмт хэргийн шинжтэй 123 дуудлага, мэдээлэл бүртгэгджээ
Худалдааны салбарын борлуулалтын орлого энэ оны эхний 9 сард өмнөх оны мөн үеэс 12.6 хувиар өсжээ
Цаг агаарын аюултай үзэгдлээс сэрэмжлүүлж байна!
Ерөнхий сайд Өмнөговь аймгийн удирдлагуудад хуулийн хэрэгжилт хангуулах хугацаатай үүрэг өглөө
Гэрч, хохирогчийг хамгаалах тухай хуулийн төслийг УИХ-д өргөн мэдүүлнэ
Г.Тэмүүлэн: Шүгэл үлээгчийг хамгаалах тогтолцоог бүрдүүлж, амь нас, эрүүл мэндэд халдсан, эсхүл халдах эрсдэл үүссэн бол нэн даруй хамгаалалтад авна