Төрийн шагналт Төмөрбаатарын сахал

Ю.Цэдэнбалын дүрд тоглож цэл залуудаа Төрийн Соёрхолт хэмээх эрхэм цолыг хүртсэн Монгол улсын Төрийн Соёрхолт, жүжигчин Ц.Төмөрбаатар үнэхээр зангарагтай бас “айхавтар” жүжигчин. Монгол түмэн ч түүнийг их хайрладаг. ХХ зууны шилдэг эрэгтэй жүжигчин Цагааны Цэгмидийн ууган хүү тэрээр олон сайхан уран бүтээлээрээ үзэгч олныхоо хүндэтгэлийг хүлээн өнөөдөр УДЭТ-т ажиллаж байна. Ген дагасан авьяасаар дүүрсэн тус гэр бүлийнхний эрэгтэй тал нь бүгд л жүжигчин. Цагааны Цэгмидийн хүү Төмөрбаатар, Төмөрхуяг гэхэд Монголчууд андахгүй. Харин Ц.Төмөрбаатарын ууган хүү Т.Анар хэмээх залуу кино урлагт гарч ирж байгаа билээ. Тэрээр “Тусгаар тогтнол”, “Улаан эрэг”, “Зам” зэрэг уран сайхны кинонуудад амжилттай дүр бүтээгээд байна.

 Юутай ч Төрийн Соёрхолт, жүжигчин Ц.Төмөрбаатарын нэг өдрийн хувцаслалтыг сонирхуулъя. Тэрээр жирийн нэгэн өдөр бидний папараци дуранд өртсөн бөгөөд сахлаа нилээд ургуулсан харагдана. Энэ нь тоглох гэж байгаа дүртэй нь холбоотой юм болов уу, “зүгээр л” ургуулсан юм болов уу?