Селена Гомезын бардам төрх

Дуучин Селена Гомез өнгөрсөн амралтын өдөр өөрийн шинэхэн дүр төрхөө дэлгэлээ. Учир нь үргэлж эмэгтэйлэг стильтэйгээр олны өмнө гардаг тэрээр энэ удаад рок маягийн шинэлэг хэв маяг, бардам төрхийг үзүүлсэн юм. Рок маягийн шулуун үс, улаан уруул, улаан өндөр өсгийт, этгээд загварын хослолтой Селена Гомез энэ стилиэрээ удахгүй гарах цомгийнхоо нүүр царайг бүрдүүлж байгаа гэнэ. Дуучин бүсгүйн хувьд шинэхэн цомгоо Францад бичүүлж байгаа юм.

Тэрээр хоёр дахь соло цомгийнхоо сурталчилгааны зураг авалтыг Францад хийхдээ тас хараар хувцаслаж шийдэмгий дүр төрхийг гаргаж байсан юм. Тухайн үед олон нийт Селенаг Женифер Анистоны 2002 онд Эмми Авардст ирсэн дүр төрхтэй ижилхэн болсон хэмээн бичиж байв. Харин тэрээр үүнийг эсэргүүцээгүй бөгөөд би Женифер Анистон дуртай, хайртай хэмээн хэлж байсан билээ.