B.A.T- ИЙН ГАНГАРАА

Англи Улсад продюссер, найруулагчийн чиглэлээр суралцаж ирээд салбар салбарт хүч үзэн яваа B.A.T-ийн гангарааг бид папарацидлаа. Тэрээр нийгмийн бас л нэгэн идэвхтэй залуусын нэг. UBS телевизээр “Chart 10” нэвтрүүлгийн хөтлөгчийн хажуугаар өөрийн, өвөрмөц, бие даасан уран бүтээлүүдийг хүргэсээр л байсан. 

Дараа нь жүжигчин болж “Аз ойрхон” кинонд тоглон харин энэ удаад найруулагчийнхаа чиглэлээр АНУ, Хонг-Конг, Монголд улсад “Том загас” буюу Big Fish киноныхоо зураг авалтыг гүйцэтгэлээ. Киноны гол дүрд ОХУ-ын Буриад улсын гавьяат жүжигчин Б.Амархүү тоглосон бөгөөд тус кино ирэх 8 дугаар сард олны хүртээл болох юм байна. Эр хүний замын хүзүү урт гэгчээр B.A.T буюу Батболд  одоогоор АНУ-д байгаа бөгөөд Холливудынхантай хамтран кино хийж байгаа сурагтай.

 Уран бүтээлч залуу 30.000$ буюу 40 сая төгрөгийн үнэтэй Форд Мустанг хэмээх оранж өнгийн гангараатайгаа явж байгаад бидний дуранд ийн өртлөө.