Боловсролын сайд асан Ё.Отгонбаярын боловсон бус зан

УИХ-ын гишүүн, Боловсрол, шинжлэх ухааны сайд асан Ё.Отгонбаяр өнгөрсөн пүрэв гарагт намынхаа даргын охины хуримд уригдан оролцсон юм. Улс төр, урлаг соёлынхон гээд олныг доргиосон уг хурим “Шангрила”-д болсон юм.

Ё.Отгонбаяр гишүүн хуримын ёслолд оролцохынхоо өмнө Эрдэс баялаг, эрчим хүчний сайд асан Д.Зоригтын хамт “Шангрила” зочид буудлын замын эсрэг талд алхаж гарч, Ё.Отгонбаяр гишүүн тамхилж байгаа харагдав. Гэхдээ тэрээр тамхи татах цэгт ийнхүү тухалсангүй. Хогийн сав ч байхгүй газар тамхилав.

Цагтаа боловсролын сайд байсан тэрээр боловсон бус зангаа ийнхүү нийтэд дэлгэсэн юм. Бусдад үлгэр дууриал болох олны танил эрхэм замын хажууд тамхилан зогсох нь хэн хүний нүдэнд таатай харагдсангүй. Тамхины хуулийн хэрэгжилт хаана байна гэхээсээ илүүтэй таван одтой тансаг зочид буудал зочиддоо тамхилах орчинг нь бэлдээгүй гэж үү хэмээн шүүмжилмээр байсан юм. Магадгүй намын нөхдөд бусдаасаа холдон буу халах хэрэг байсан ч юм билүү.