Дуучин Ч.Уранхолбоо “панзчин” болжээ

“Гала”-ийн Ану гэхээр л хүн бүрийн сэтгэлд янз бүрээр л төсөөлөгддөг. Хамтлаг нь тарж, тус тусын замаа хөөх болсноос хойш дорвитой уран бүтээл туурвиагүй ч урлагаас хөндийрэх бодолгүй байгаа Ч.Уранхолбоо үргэлж л шуугиан тарьж явдаг нэгэн. Өнгөрсөн жил жингээ түүнийг тээгч эх хөлсөлж охинтой болсон гэх сенсаци олныг шуугиулж байсан бол хэдэн жилийн өмнө өөрийгөө гоо сайхны мэс засалд ороогүй хэмээн телевиз, радиогоор сүйд майд болж явсан. Тэгвэл тэрбээр сүүлийн үед тэнгэрийн амьтан шиг аашлах болсон аж.

Ч.Уранхолбоо “Цагаан сараар гэр хорооллоор очдог. Их сонин мэдрэмж төрдөг шүү” гэж ярихад нь сонссон хүмүүс мэл гайхаж, цэл хөхөрсөн гэдэг. Харин сүүлийн үед тэрбээр “панзчин” болж байгаа сурагтай. Түүний дүү Ч.Номинхолбоо гадаад дотоодоос тураах цай оруулж ирэн зардаг бөгөөд эгч Ч.Уранхолбоо нь тэрхүү цайг нь өдөр шөнөгүй “Instagram”, “Facebook”-ээрээ дамжуулан рекламддаг аж. Тэр ч байтугай таньж мэддэг олны танил хүмүүстэй уулзахдаа хүртэл өнөөх тураах цайгаа сонирхуулж, хэрэглэхийг зөвлөдөг гэнэ.