Халтуур хийж 3 өрөө байртай болсон дуучин A Cool хаана ажилдаг вэ?

Хайрын тухай олон сайхан дуугаараа залуусын шүтээн болсон А Cool  буюу Б.Анхбаярыг мэдэхгүй хүн үгүй. Шинэ жилийн халтуураараа л гурван өрөө байрны мөнгө хийсэн түүний үнэ өртөг ч дийлдэхийн аргагүй болсон гэдэг. Тэрээр дууныхаа үг, аяыг хүртэл өөрөө зохиочихдог цөөхөн дуучдын нэг учир чадалтай дуучин хэмээн үнэлдэг.

Харин уран бүтээлээс гадна Чингис хааны нэрэмжит “Их засаг” олон улсын сургуульд маркетингийн албаны дарга болох хариуцлагатай ажлыг хийдэг гэдгийг төдийлөн хүмүүс мэддэггүй. Тэрээр хэлэхдээ “Би сайн дурын уран бүтээлч гэхээсээ илүүтэйгээр давхар өөрийн бодож санадаг ажлыг хийх хэрэгтэй. Манайх шиг зах зээл багатай оронд дан ганц урлагаар, шоу бизнесээр мөнгө олоод амьдрана гэдэг хэцүү. Тиймээс би залуу хүний эрчээрээ юмыг аль алиныг нь хослуулаад  энэ ажлаа түүртэлгүй хийдэг” хэмээжээ.