“Anemone”-ы том болсон охид нүцгэн зургаараа гангарах болов

“Making the Band” нэвтрүүлгээс төрсөн хамтлагуудын дотроос үзэгчдийн хайр хүндэтгэлийг хамгийн их татсан нь “Anemone” гэдэгтэй бүгд санал нийлэх биз ээ. Хүүхэд зангаа гээгээгүй авьяас охид нэгдэн, тус хамтлагийг олны танил болгосон ч нэг, нэгээрээ харийг зорьсоор өдгөө гурвуулаа үлдээд буй. Японыг зорьсон Ооноо, Солонгост суралцахаар одсон Жулиа нар хамтлагтаа уран бүтээл хийхгүй байгаа ч олны анхаарлын төвд байсаар байгаа билээ.    

“Хэлээгүй” дууны клипийг үзсэн фэнүүд нь “Энэ охид өсчихжээ” хэмээн дуу алдаж байсан. Тэгвэл судгийн ногоо шиг өсөх охид аль хэдийнэ том болжээ.   Том болсноо хэт мэдэрсэн үү, ах, эгч нарыгаа дуурайж, үе үехэн хагас нүцгэн зургаараа цахим хуудсаа чимж эхэлсэн байна.

Ийнхүү хамтлагийн хамгийн гоё биетэй гэгддэг Жанна, хамгийн хөөрхөн Жулиа нарын дотуур хувцастай зургууд олон нийтийн сүлжээгээр тархаж эхлэв. Мөн хамтлагийн хамгийн ахмад нь болох Цэнгэлэн ч тэднээс дутсангүй, усны хувцастай зургаа олонд дэлгээд амжсан байна билээ.