Хэт үндсэрхэг Жавхлангийн мутар

Үндэсний үзэл үндсэрхэг байдал хоёр хоорондоо ялгаатай болов уу. Хүн бүр эх орноо хайрлаж, түүх соёлоо дээдэлж явах учиртай.

Гэтэл уг үзэл нь хэт дэндэж, туйлширч байна хэмээх шүүмжлэлийг сүүлийн үед бишгүйдээ хүртэж байгаа дуучин Жавхлангийн саяхны үйлдлийг зарим хартай нөхдүүд ирэх жилийн сонгуулийнхаа PR-ыг мөнгө зарлагадахгүй хийлээ хэмээцгээх юм. Өмнө нь сонгуульд нэр дэвшээд бүдэрч байсан гашуун туршлагатай болохоор тэрээр энэ удаа нэгийг бодож, хоёрыг тунгаах нь дамжиггүй. Тэгээд ч хувь хүн бүр дор бүрнээ хийх ёстой ажлаа сайн хийж гэмээнэ улс орныхоо хөгжилд хөрөнгө оруулж байгаа нь тэр.

Зүс минь Монгол, хувцас минь Монгол хэмээн омогших Жавхлан гарын үсгээ уйгаржин бичгээр бичдэг юм билээ. Тухайн хүнийг илтгэх нэгэн хэмжүүр нь мэдээж бичгийн хэв, гарын үсэг байдаг. Тиймээс Жавхлан шиг дэлхийд цор ганц босоо бичгээрээ мутарлавал бас л гоё харагдах юм байна лээ.