“УНЕВИРСАЛ” А COOL

Дуучин А Cool гэхээсээ илүү түүнийг Их Засаг Их Сургуулийн Маркетингийн Албаны Дарга гэдгээр нь залуус илүүтэй мэддэг болоод байгаа. “Чухал” албан тушаалд томилогдсон хэдий ч уран бүтээлийн ажлаа орхиогүй харин ч улам бүр оргилуулан, арвижуулан яваа. Түүний “Амьдрал”, “Энхрий”-гээс гадна саяхан “Мөрөөдлийн Театр”-ын “Хайртай бол эргэж хараарай” жүжгийн дуу нь бүгд хит болж чадсан авьяаслаг уран бүтээлч юм. Их Засаг сургуулийн ажлаа амжуулахын хажуугаар Royal HD телевизийнхээ ажилд ч ханцуй шамлан орж, зарим үед хөтлөгчийн үүргээр дэлгэцнээ харагдах болсон “уневирсал”, ажил хэрэгч залуу үеийн төлөөлөл билээ. Оюутан ахуй цагтаа Олон Улсын Хүүхдийн Найрамдал Төвд бүлгийн багшаар ажиллаж байсан тэрээр нэр хүндтэй, хүүхдүүдийнхээ хайр хүндэтгэлийг хүлээсэн багш байжээ. Найрамдал зусландаа анхны клипээ хийн “Ариунзаяа болсон миний хайр…” хэмээн дуулж өөрийгөө таниулж байсан дуучин Анхбаяр буюу A Cool ийнхүү хийж бүтээж буй зүйл арвинтай, үеийн залуустаа үлгэр дууриал үзүүлэн явна. Тэрээр амжуулах ажил ихтэй, албаны хувцастай яваад бидний папараци дуранд өртлөө. 

Б.Анчиймаа