Дуучин Д.Отгонжаргал амрагийн явдлаа үгүйсгэв

МУГЖ Г.Ариунбаатар, МУСТА Д.Отгонжаргалын онлайнаар бие биедээ бичсэн мессэж цацагдаж багагүй дуулиан болсон.

Тэгвэл энэ талаар МУСТА Д.Отгонжаргал саяхан  хэвлэлд өгсөн ярилцлагадаа "Би бол яг нүдээр үзсэн зүйлдээ л итгэдэг. Тухайн үед бид хоёулхнаа АНУ-д явж байсан юм шиг л ойлгох юм. Монголоос гэхэд л 50 орчим хүн явж байсан. Манай хамтлаг л гэхэд менежертэйгээ дөрвүүлээ явсан. Биднээс гадна урлагийн олон хүн явж байсан. Үнэхээр хоёулхнаа жаргаад явсан бол хоорондоо “Фэйсбүүк”-ээр чатлах уу.

Тэр “Фэйсбүүк” чат ч худлаа. Олон нийтэд түгсэн асуудал бүгд худлаа. Огт болоогүй зүйл. Бид нэг багшийн шавь нар. Бусад багш, шавийг бодвол манай Ихо багшийн шавь нар “Багш шавийн нэгдэл” гэж илүү нэгдэлтэй, холбоотой байдаг.

Фонддоо мөнгө цуглуулна, багшийнхаа конкурсыг зохион байгуулна, хэн нэгнийх нь тоглолт болбол ач холбогдол өгнө гэх мэтээр насны зөрүү байхгүйгээр хоорондоо коллектив сайтай явдаг. Түүнээс биш би гэр бүл үймүүлж, салгасан юм байхгүй. Тэдний гэр бүл одоо амжилттай, аз жаргалтай сайхан л байна шүү дээ" хэмээн ярьсан байна.