Агь компаний хуурамч будаа дахин илэрсээр байна

Хятад улсад төмс, хиймэл резиний хольцоор хийсэн хуурамч будаа худалдаалж байгаа талаар бид өмнө мэдээлж байсан. Энэхүү мэдээллийн дараа олон хүн гэртээ байгаа будаагаа туршиж үзтэл бараг таван хүний гурвынх нь хуурамч будаа байсан нь илэрчээ.

Нэг аяга хуурамч будаа идэх нь нэг бүтэн хулдаасан цүнх идсэнтэй тэнцэхүйц хортой гэдэг. Гэтэл бид өнөөдөр ийм л хортой зүйлийг өдөр тутамдаа хэрэглэж байна.

Тэгвэл энэхүү хуурамч будааг гадаад улс орнуудаас дээд зэрэглэлийн чанартай бараа, бүтээгдэхүүн оруулж ирдэг гэх "АГЬ" ХХК оруулж ирэн өөрийн агуулахад савлан гаргадаг байжээ. Энэхүү үйлдэлд дургүйцсэн олон нийт тус компаниас тайлбар хийхийг шаардсан ч одоогоор ямар ч хариу өгөөгүй байгаа аж. Мөн хуурамч будаа худалдан авсан иргэд савалгаан дээрх компанийн утасруу холбогдох гэсэн ч уг дугаар ашиглалтанд байхгүй гэсэн хариуг авчээ. 

Хэрэглэгчийнхээ эрүүл мэндийг бус түүнээс ирэх ашгийг харсан тус компанийнханд хариуцлага тооцохыг шаардсаар байгаа гэнэ. Гэтэл Мэргэжлийн хяналтын газрынхан одоог хүртэл "чимээгүй" байгаа нь хачирхалтай.

Уг нь хамгийн түрүүнд шалгаж суух ёстой баймаар. Ямартай ч цагаан будааг авахдаа сайтар шалгаж авахыг ард иргэддээ анхааруулж байна. Энэ тухай бид эргэн мэдээлэх болно.