ММСУХ-оос эрлийз адууг ялгах журмын талаар хүсэлт явуулжээ
ММСУХ-ноос Үндэсний их баяр наадмыг зохион байгуулах хороонд хурдан морины уралдааны эрлийз монгол адууг ялгах журмын талаар саналаа хүргүүлжээ.
Монголын морин спорт, уяачдын холбооноос хурдан морины уралдааны хөгжлийн чиг хандлага, уяачдын хөдөлмөрийг бодитойгоор үнэлэх зорилгоор 2011 оноос эхлэн эрлийз монгол адууг ялган уралдуулж ирсэн.
Харин Их Монгол Улс байгуулсаны 809 жил, Ардын хувьсгалын 94 жил, Үндэсний их баяр наадмын хурдан морины уралдаанд эрлийз монгол адууг ялгахдаа сэрвээний өндрийг баримтлахаар журамласан нь ММСУХ-ны баримталж буй бодлого, уяачдын дийлэнхийн эрх ашигтай зөрчилдөж байгаа аж. Мөн тус холбооны нэр дээр олон тооны уяачдаас санал, хүсэлт ихээр иржээ.
Иймд ММСУХ-ны Ерөнхийлөгч М.Энхболдоос Монгол Улсын Шадар сайд, үндэсний их баяр наадмыг зохион байгуулах хорооны дарга У.Хүрэлсүх болон хурдан морины салбар хорооны дарга З.Болдбаатар нарт эрлийз монгол адууг ялгах журмандаа сэрвээний өндрийг хэмжихийн сацуу гадна хэв шинж, үүлдэрлэг байдлыг харгалзан ялгахаар тусгахыг хүссэн албан бичгийг явуулсан байна.
Ээжийнхээ нэр дээрх каргогоор дамжуулан сэтгэцэд нөлөөт бодис хилээр нэвтрүүлсэн Г.У-д 8 жилийн хорих ял оноожээ
Дулааны алдагдалгүй айл өрхүүдийг үе шаттайгаар хийн халаалтад шилжүүлнэ
Шадар сайд Н.Номтойбаяр Хэнтий аймагт ажиллаж байна
Нийтийн тээврийн 15 чиглэлд түр хугацаанд өөрчлөлт оруулжээ
Улаанбаатар хот орчимд Туул гол үерийн аюултай түвшинг даван үерлэх төлөвтэй байна
Ирэх 10 хоногийн цаг агаарын урьдчилсан төлөв
“Газрын мэдээллийн сангийн үйл ажиллагаа, мэдээлэл солилцооны журам”-ийг хянаж байна