Т.Санчир энэ намар Филиппиныг зорино

ОУХМ Т.Санчир Филиппин улсын сагсан бөмбөгийн дээд лигийн ““Barangay Ginebra San Miguel Kings” багтай байгуулсан гэрээгээ өөрийн хүсэлтээр цуцалж эх орондоо ирээд байгаа билээ.

Тэгвэл тэрээр энэ оны сүүлчээр дахин Филиппин улсад очиж тоглохоор болоод байна.Учир нь түүнд хоёр багаас багтаа тоглуулах урилга ирсэн бөгөөд нэгийг нь сонгон гэрээ байгуулахаар болжээ.Монголчуудын хувьд Филиппин улсын Лигийн талаар тийм сайн мэдэхгүй.

Гэхдээ PBA нь Ази Тивдээ хамгийн анх байгуулагдсан мэргэжлийн Холбоо, Лиг бөгөөд энэ онд 40 жилийн ой нь тохиох юм. PBA нь мөн үүсгэн байгуулагдсан хугацаагаараа дэлхийд зөвхөн NBA-ийн дараа ордог хамгийн ахмад Лиг бөгөөд зохион байгуулалт, багуудын чансаа, тамирчдын өрсөлдөөн, мэдээ мэдээлэл, шууд дамжуулалт, шилжилт хөдөлгөөн, бизнесс зэрэг олон талаараа Азидаа төдийгүй дэлхийд шилдэгт тооцогддог мэргэжлийн лиг юм билээ.