Реппер Цэцээ Монголдоо бүр мөсөн ирлээ

Хүүхэд залуусын сонсох дуртай “Vanquish” хамтлагийн дуучин реппер Цэцэнбилэг буюу Цэцээ АНУ-д сурч, ажиллаж байгаад Монголдоо ирлээ. Тэрээр ирээд удаагүй байхдаа бидний папараци дуранд өртсөн юм. Реппер Gee-тэй хип хоп дуугаараа үзэл бодлоо илэрхийлэн жинхэнэ утгаар “байлддаг” Цэцээгийн “Миний пүүз” дуу нь хип хоп сонирхдог залууст нэлээд хүрсэн билээ. Түүнийг “Баян айл”-ын хүүхэд гэдгээ дуундаа үргэлж шингээдэг гэж үеийнхэн нь ярьдаг ч реппер залуу маань  АНУ-д интерьер дизайны чиглэлээр суралцангаа хажуугаар нь ажил хийн өөрийгөө авч явдаг хэрсүү нэгэн. Сургуулиа дүүргээд эх орондоо ирсэн тэрээр өндөр хөгжилтэй оронд боловсрол эзэмшсэн болохоор Монголдоо сурсан мэдсэнээ гайхуулах шилдэг хүний нөөц болон ирсэн гэдэгт итгэлтэй байна.   Юутай ч Цэцээгийн нэг өдрийн хувцаслалт, стиль имижийг доорх папараци зургаас сонирхоорой.