А.Хишигдалай С.Зоригт нар 7 сартай бяцхан охинд эмчилгээний зардал цуглуулж өглөө

Өнгөрсөн бямба гаригт UB Паласын концертын их танхимд Монголын шилдэг дуучид 7-хон сартай бяцхан охинд зориулан ая дуугаа өргөсөн юм.

Ээж, ааваа баярлуулан хүний хорвоод ирэхдээ тэр бяцхан охин зүрхэндээ гурван цоорхойтой төржээ. Түүнийг эмчлэх зардалд 70 сая төгрөг хэрэгтэй. Хорин хэдхэн настай залуу гэр бүлд ийм их мөнгө байсангүй.

Харин Монголын рок поп, зохиолын дуучид бяцхан охинд амьдрал бэлэглэхээр санаа нийлэн хандивын тоглолт хийсэн байна.

Уг тоглолтыг залуу дуучин А.Хишигдалай, С.Зоригт нар санаачлан зохион байгуулсан юм.

Тоглолтод МУГЖ Т.Ариунаа, Ж.Уранчимэг “Гурван охин”,”Мотив” хамтлаг, дуучин ”ноён” Бондгор,Я.Гэрэлчулуун болон бүсад хамтлаг дуучид ая дуугаа өргөв.

Залуу уран бүтээлчид дотроос А.Хишигдалай С.Зоригт нар шиг сайн үйлсийн аян зохион байгуулсан хамтлаг дуучид цөөхөн билээ.

Сайхан сэтгэлийн үзүүрт тос гэдэг болохор бяцхан охин ийнхүү эмчилгээний мөнгөтэй боллоо.