Lumino хамтлаг яасан байх нь уу

Нээлтээ хийснээсээ хойш үзэгчдийг жинхэнэ байлдан дагуулж, алхам тутамдаа инээд хөөр, баяр баяслыг бэлэглэж байгаа кино бол яах аргагүй "Эмоци" продакшны "Гурван найз яасан байх нь уу" уран сайхны кино юм.

Хэдийнэ нээлтээ хийгээд хоёр долоо хоногийн нүүр үзээд байгаа ч өнөөг хүртэл танхим дүүрэн үзэгчидтэй, тасалбарын олдоц муу байгаа учраас Тэнгис, Өргөө кино театрын зүгээс тус киноны үзвэрийн цагийг хүртэл нэмээд амжсан гэнэ.

Тэгвэл энэ киноны дуунууд ч ардаасаа олон амжилтыг дагуулаад байна. Тодруулбал "Universe Best Songs" наадмаас урлагийн гараагаа эхэлж байсан Б.Цэлмүүн, Vanquish хамтлагийн ахлагч Цэцэ нарын хамтран дуулсан "Гурван найзын дуу" хүүхэд залуусын дунд жинхэнэ утгаараа хит болж байгаа. Тус дуунд Б.Цэлмүүн анх удаагаа үглэж, R&B урсгалаа хөгжүүлээд амжсан төдийгүй эмэгтэй хүний бардам ихэмсэг байдал, залуу насны эрч хүчийг жинхэнэ мэдрүүлээд байгаа юм.

Харин "Бид 4" хамтлагийнхны дуулсан "Үүрд хамт" клипнээсээ эхлээд л найз нөхөрлөлийн сүлд дуугаар нэрлэгдээд амжсан. Энэ нь ч залуу уран бүтээлчдийг дэмжигч "Эмоци" продакшнаас "Гурван найз яасан байх нь уу" УСК-д ямар өндөр ач холбогдол өгч ажилласныг харуулаад зогсохгүй, киноны чанарыг ч давхар тодорхойлох биз ээ

Дашрамд дурдахад, киноны нээлтэн дээр монголын хип хоп урлагийн ертөнцийг тодорхойлогч LUMINO хамтлагийнхан ирсэн байсан гээд бодохоор "Гурван найз яасан байх нь уу" киноны хамгийн оргил хэсэг нь тус хамтлагийнхантай ч холбоотой байж мэдэх юм.