Агий бие даасан бүтээл гаргахгүй

“Киви” хамтлагийн гурван бүсгүйгээс Ука, Намуунаа хоёр нь өөрсдийн бие даасан уран бүтээлээ туурвин цомог хүртэл гаргаад байгаа билээ.

Харин гуравдагч гишүүн Агий буюу П.Алтанцэцэг хэзээ уран бүтээл гаргах талаар хамтлагийн продюсер Б.Ангирмаа “Би харин Агийгаас асуусан. Тэгсэн "За би ч яах юм бэ, дэмий" гэж байна лээ.

Гол нь өөрөө хүчлэхгүй байна л даа.Намуунаагийн маань бие даасан цомог үнэхээр гоё болсон. Хэвлэлтэнд гарсан даруйд нь маш их баярлаж догдолж хүлээн авлаа.

Энэ цомог нэлээд онцлогтой, сайн болсон. Дуучин маань өөрөө ч цомог дээрээ маш сайн ажилласан. Дууны үг, арга барил гээд мэргэжлийн хүний ур чадвар сайн харагдаж чадсан.

Өөрөө дууныхаа өнгийг салгачихна, дууныхаа чимгийг хийчихнэ. Тийм болохоор хамтарч хийсэн надад ч их амар байлаа” хэмээн ярьжээ.