Жүжигчин Онон өвөө болжээ

“Х-Түц” продакшны жүжигчин Ононгийн эхнэрийг үзэгчид тэр бүр мэдэхгүй байхаа.Түүнийг Сарансүх гэдэг бөгөөд АНУ-д хуульч мэргэжил эзэмшсэн боловсролтой нэгэн аж.

Гуравдугаар хороололд хуулийн зөвлөх хийж бусдад туслахын зэрэгцээ эр нөхрийнхөө үнэнч туслагч нь гэдэг.Хүү, охин хоёроо бөмбийтөл авч явахын зэрэгцээ ирээдүйд хүүхдүүдээ урлагийн хүн болгохгүйгээр тас шийдсэн гэнэ лээ. Гэхдээ Сарансүх бүсгүйн дээрх саналыг жүжигчин Онон ч тун ч ихээр дэмжин хүүгээ зодооны урлагаар хичээллүүлж байгаа гэдэг.

Саяхан болж өнгөрсөн инээдмийн баярын өдрөөр жүжигчин Онон өвөө болсон баярт мэдээг уншигчиддаа хүргэж байна. Ийнхүү одооноос Онон өвөө гэж дуудуулахаар болжээ.