Г.Алтаншагай илтгэгч болно

СТА Г.Алтаншагайн хошин урлагт оруулсан хувь нэмэр багагүй. Түүнийг муугүй жүжигчин гэдгээр төдийгүй халамжит хань, байнгын сюрпризээр гэр бүлийнхэндээ бэлэг барьдаг гэж нөхөд нь үнэлдэг. Тэгвэл энэ удаа түүний бас нэгэн авьяас илэрч, илтгэгч болохоор шийджээ. Түүнийг илтгэх урлагт хөл тавих боломжийг Монголын залуучуудын холбооноос олгосон гэнэ. Тус холбооны “Залуу хүн” цуврал лекцийн дөрөв дэх дугаарт Г.Алтаншагайг урьжээ. Тэрбээр гуравдугаар сарын 27-ны өдрийн 17 цагт  “Өөрөө өөрийгөө ялан дийлж л амжилт олдог” гэсэн сэдвээр залуустай нээлттэй ярилцах юм байна. Түүнчлэн залуу жүжигчний хүүхэд нас, оюутны амьдрал, ажлын гараа гээд сонирхолтой дурсамжуудыг хуваалцаж болох нь.