“Нара хуримлав”

Саяхан телевизийн ярилцлагад оролцохдоо өөрийгөө “Ганц бие ээж” хэмээн зарласан дуучин Нара өнөөдөр фэйсбүүк хуудсандаа хуримын даашинзтай зураг нийтэлж, олны анхаарлыг татав.

“Хуримаа хийлээ, бөөн аз жаргал” гэсэн тайлбартай эдгээр зураг үнэхээр түүний хурим болсон эсэхийг, эсвэл ямар нэгэн клип, киноны зураг авалтад оролцож байгаа эсэхийн аль ч таамгийг батлаагүй ч Нарагийн фэйсбүүк найзууд түүнд аз жаргал хүссэн зурвас илгээсээр байна.

Нара үнэхээр хуримласан бол удахгүй түүнд ирсэн нэг утгатай олон асуултад өөрөө хариулт өгөх биз ээ. Хуримын даашинз түүнд сайхан зохижээ.