Г.Сарангэрэл УИХ-ын гишүүн О.Баасанхүүгээс тэрбум төгрөг нэхэмжиллээ

Хууль зүйн сайд асан Х.Тэмүүжинтэй янаг амрагийн асуудлаар нэр холбогдож, хар тамхины хэргээр ял эдэлж буй Г.Сарангэрэл Дүүргийн иргэний хэргийн анхан шатны шүүхэд нэхэмжлэл гаргасан байна. Тодруулбал УИХ-ын гишүүн О.Баасанхүүг хариуцагчаар татаж, түүнээс нэг тэрбум төгрөг нэхэмжилжээ. Харин одоогоор нэхэмжлэлийн хувийг О.Баасанхүүд гардуулаагүй байгаа юм байна. Нэхэмжлэл гаргах үндэслэл нь УИХ-ын гишүүн О.Баасанхүү Г.Сарангэрэлийн хэргийг шүүхийн шатанд шилжээгүй мөрдөн байцаалтын үеэр “хар тамхичин, биеэ үнэлэгч” хэмээн олон нийтэд зарласан. Мөн түүнийг ШШГЕГ-ын харьяа цагдан хорих 461 дүгээр ангид хоригдож байхад нь очиж уулзан дарамталсан тухай өмгөөлөгч нь мэдээлсэн билээ.