Их аварга 150 ортой хүүхдийн эмнэлэг барих ажилдаа орлоо

Улстөрчдийн ажлыг тэднээс дутахгүй хийж байгаагийн жишээ бол Жүжигчин И.Одончимэг, Т.Ундармаа Их аварга Асашёрюү Д.Дагвадорж нар юм. Их аваргын хувьд Хүүхдийн эмнэлэг нь 2015 онд баригдах түвшиндээ хүрсэн тухай таатай мэдээг цахим хуудсаараа дамжуулан мэдээллэж байсан. Тэгвэл аварга ийнхүү хэлжээ "Он гараад би Токио явна. Ингээд Монголд 150 ортой хүүхдийн эмнэлэг ирэх жилийн өдийд ашиглалтад ороод, өвчтэй шаналж буй хүүхдүүдээ эдгээхийн төлөө үйлээ бүтээх байх аа.

Та бүхэн хуучин оноо сайхан үдэж, шинэ оноо баяр баясгалантай, инээд хөөр цалгин сайхан угтаарай” хэмээжээ.

 

Ямартай ч манай улсад хамгийн ихээр тулгамдсан хүүхдийн эмнэлгийг төр засаг нь хийж чадахгүй байхад Д.Дагвадорж өөрийн хөрөнгөөр барих болсонд ард түмэн талархаж буйгаа ихээр илэрхийлж байгаа юм.