Ц.Алдармаа жүжигчин Д.Оюунтуулын эмчилгээний зардалыг бүрэн даах уу?

Нийслэлийн давж заалдах шатны шүүхээс Ц.Алдармаагийн хэргийг нэмж тодруулах зүйл бий гэсэн үндэслэлээр нэмэлт мөрдөн байцаалтад буцаагаад байгаа юм. Харин мөрдөн байцаалтын явцад Ц.Алдармаагийн хэрэгт дахин шинжээчийн дүгнэлт гарсан байна. Тодруулбал, Ц.Алдармаа нь Д.Оюунтуулын биед хүнд биш хүндэвтэр гэмтэл учруулсан гэж гарчээ. Ингэснээр Ц.Алдармаад үүсгэсэн Эрүүгийн хуулийн тусгай ангийн 96 дугаар зүйл анги өөрчлөгдөх бололтой. Хэрвээ Ц.Алдармаагийн ял хөнгөрвөл, тэрээр хохирогч болох Д.Оюунтуулын эмчилгээний зардалыг бүрэн төлж хохиролгүй болгох ёстой. Учир Д.Оюунтуул бие нь эдгэрч л байвал ямар ч гомдолгүй гэж хэлж байсан билээ. Тэгэхээр Ц.Алдармаагийн хүн чанар, хүнлэг сэтгэл,гэмшсэн байдал удахгүй харагдах биз ээ.