Эр зоригийн хүчийг дэмжицгээе

Мотоспорт сонирхогчдын хүсэн хүлээдэг “Дакар ралли” уралдаан энэ сарын 3-д Аргентин улсад эхэллээ. 2015 оны “Дакар ралли” уралдаан нэгдүгээр сарын 3-17-нд Аргентин, Болив, Чили улсын нутгаар дамжин буцаад Аргентинд барианд орох юм. Нийт 9200 км замыг туулах аж.

Монголын багийг төлөөлөн 431 дугаартай автомашины жолоочоор ОУХМ Н.Лхамаа, чиглүүлэгчээр Ө.Бямбадэлгэр, Б.Сүрэндорж, 355 дугаартай автомашины чиглүүлэгчээр Д.Жаргалсайхан, 413 дугаартай автомашины чиглүүлэгчээр Ө.Бямбацогт, мотоциклийн төрөлд Д.Болдбаатар 83, Ч.Анар 117 дугаартайгаар оролцож буй юм. Тэмцээний хуваарийн дагуу эхний гараа өнгөрсөн шөнө болсон юм.

Ингээд эр зориг гарган “Дакар ралли”-д уралдаж буй тамирчдаа дэмжицгээе.

Та бүхэн 15 хоногийн турш Дакар Ралли Монгол хуудастай хамт байгаарай.