Мисс Гантогоо дэлхийн шилгүүдийг шүүлээ

БНХАУ-ын Шензень хотод зохион байгуулагдсан “Miss Model of the World-2014” тэмцээн амжилттай зохиогдож дууссан билээ. Манай орноос “Мисс Монгол аялал жуучлалын холбоо”-ны тэргүүн мисс Гантогоогийн хамтаар мисс Ариунзул тус тэмцээнийг зорьсон юм. Энэхүү тэмцээний хүндтэй шүүгчээр мисс Гантогоо ажилласан таатай мэдээлэлийг уншигчиддаа хүргэж байна. “Miss Model of the World-2014” тэмцээний шүүгчээр БНХАУ-ын урлагын нэрт зүтгэлтэнүүд болон, “CCTV” телевизийн ерөнхий захирал, засгийн газрын гишүүн нь шүүгчээр мөн ажиллажээ. Ийнхүү дэлхийн нэр хүндтэй тэмцээнийг Монгол бүсгүй шүүж, манай мисс Ариунзул шилдэг 10-т багтсан бахдам амжилтаар тус тэмцээн өндөрлөлөө. Энэхүү тэмцээний ялагчаар энэ жил Америкийн нэгдсэн улсын гоо бүсгүй шалгарсан байна.