Экс Ерөнхий сайд Н.Алтанхуяг хагалгаанд орно

Шинэчлэлийн Засгийн газрын экс тэргүүн Н.Алтанхуяг осолд орж, биеийн байдал нь хүнд байгаа  талаар бид мэдээлсэн билээ. Тодруулбал, тэрбээр өнгөрсөн ням гаригт АТV мотоциклтойгоо Цонжин болдог орчимд явж байгаад онхолдож хүнд гэмтсэн юм.Ослын улмаас түүний эгэм нь хугарч, тархи нь нуруу нугасандаа гэмтэл авсан эмч нар түүний гэмтлийг Монголд эмчлэх боломжгүй учраас яаралтай гадаад руу явахыг зөвлөсөн. Тиймээс Ерөнхий сайд асан Н.Алтанхуяг БНСУ-ыг зорьж эмчилгээ хийлгэж буй. Тэрээр даваа гаригт шинжилгээ өгсөн бөгөөд шинжилгээний хариу өнөөдөр гарах аж. Шинжилгээний хариу гарч бэртлийн зэрэг тодорхой болоход хагалгаа хийнэ гэдгийг Солонгосын эмч нар мэдэгдээд байгаа юм байна. Эмчилгээ хэвийн үргэлжилж биеийн байдал сайжирвал шинэ он гарахаас өмнө эх орондоо ирэх гэнэ.